أضحكووو,,,, و ,,,, ضحكونى

ليه الحروب

ليه تنهد علينا بيوتنا ونقول نصيبنا ونعمل أيه

نقعد نشكي ونبكي ونحكي بألف يمين مظلوم يا بيه

تظهر عقارب من بين جحورها تلدغ وتهرب ومابنعرف ليه

وصاحبك يبيعك وأنت واقف ويقبض عليك تلاته جنيه

وأخوك يقولك يا عم فكك دول عالم ماتسوى ماتبكي عليه

ماتزعلش يا صاحبي أنت في دنيا الناس فيها بـ وشين

هههههههه وكمان يومين هههههههه

أخوك حبيبك تلاقيه يسيبك ومع عدوينك بينم عليك

وشتمه فيهم يروح يقولو بس مش ليك هههه لا دا عليك

الحروب دي هي مش صواريخ ولا هي مدافع وقنابل نوويه

لا يعم دا لسان منيل ودماغ تعبان ونوايا سوده مافيها خير

بس خرابهم بيكون ألعن من حرب اليهود والصهيونيه

والامريكان المفتريه هههه وأسكت لاتاخد في البوكس وبعدين

يقتلو الارواح والنفوس ويبانوا ملايكه ولا عملوا حاجه

شغل عفاريت أشتاتا أشتوت بعيد بعيد يا بشر ملطوط

يا مسلمين أخرتكوا أيه ؟ دول كلهم من القماش مترين

وحتة أرض تندفنوا فيها وشويه تراب وطوبه عليك

هتاخدوا أيه وتكسبوا أيه دي دنيا فانيه ماتسوي شي

عجبي على دنيا فيها الخسيس يبان شريف والطيب ياعينى

ههههههه يروح في الرجلين هههههههه

حد يسندنى مش لائيه ركبي من الضحك سابت وتاهت منى

يا ناس ياهوووو مش تسألونى بضحك ليه ؟

أصل همي كبير وكاسرنى وعنيه وجعونى من البكا عليه

فقلت أضحك وكل ما أضحك أضحك أكتر حاجه غريبه . والنبي دا أيه ؟

مش تقولوا أنى أتجنيت ولا عقلي خف وبقا أومليت

بس أوعدكو قريب اوى هشد شعري وأجري في شارعي وأهج من البيت

ههههههههههههه جنان بجنان وأنا هعمل أيه ههههههههههههه

؟؟؟؟؟؟؟ هعمل أيه ؟؟؟؟؟؟؟

ألطم وأصوت وأقول يالهوي ألحقونى يا خلق ياهو

وألا أبكي وأفضل أعيط لما يجيلي كساح في العين

ايوووووووه

دي ناس بلا أحساس الله يرحم النخوه والصدق والاخلاص

هههههههه أقروا الفاتحه على روح المرحوم تكسبوا ثواب

هقول أيه ماهي الحكايه من البدايه ماليها طعم ولا ريحه ولون

بس الخلاصة للروايه ان الضمير انعدم خلاص وصوتوا عليه

ومش هطول عليكو كتير , ومسك الختام وأجمل سلام

لكل حقود أمو داعيه عليه

لم دورك وخليك في حالك وبلاش تجيب في سيره الناس

وتلف تدور زى الدبور تخرب البيوت العمرانه خير

وتقول كلام مالوش لزوم وتعمل فتنه بين النفوس

وخلص كلامي ومش هيفهموا الا المقصود

والسلام على من أتبع الهدى

7

7

لأول مره بحياتى أكتب كلمات كهذه مش عارفه ازاى

بس عارفه ليه

ونفسي بجد كل النفوس المريضه دي تهدي شويه

وكفايانا كلام وقيل وقال

انا مش شايفه اي داعي لكل دا وفي الاخر ايه الاستفاده من دا

غير الكراهيه والحقد والعداوه اللى بتتزرع جوانا

بجد ياريت نكون أفضل من كدا

وسلامي للجميع وأحترامي الشديد